Қазақстанның тумасы, президент Джо Байденнің ақша айналымын бақылау басқармасының басшысы лауазымына кандидат Сәуле Омарованы 26 жыл бұрын болған ұрлыққа қатысы бар деп айыптады. Ақпаратты АҚШ республикалық партиясының бас медиаресурсы, Fox News телеарнасы тауып, жариялаған.

Fox News телеарнасының материалында 1995 жылы Омарова TJ Maxx дүкенінен 214 доллар тұратын төрт жұп аяқ киім, екі құты иіссу, екі белбеу және шұлық ұрлағаны үшін қамауға алынғаны айтылған.

Телеарнаның ақпаратына сәйкес, Омарова Висконсин штаты Мэдисонда «дүкен ұрлығымен» ұсталған. Висконсин әділет департаментінің хабарлауынша, оқиға 2 жылы 1995 маусымда болған. TJ Maxx дүкенінің қауіпсіздік қызметі сол күні кезекшілікте болғанын және ұрлықты көргенін Fox News телеарнасына айтып берген. Сонымен қатар, Сәуле Омарованың зергерлік дүкенде бірнеше заттың ақшасын төлегенін, бірақ «сөмке ішінде жасырылған заттарды төлеуге ниеттенбегенін» айтқан. Артынша Омарова қателігін мойындап тауардың құнын төлеген, оған тағылған айыптар алынып тасталған.

Басылым Twitter-де American Accountability Foundation коммерциялық емес ұйымы жариялаған іс туралы есеп Сенаттың банк комитетінде Омарованың алғашқы тыңдауына қатысты қиын күресті күшейтті деп атап өтті.

Тағылған айыптардан кейін Ақ үй мәлімдеме жасап Омарованы қорғап шықты, оның «білікті маман» екендігін және бұл жағдайды «түсініспеушілік пен шиелініскен жағдай» деп атады.

«Сәуле Омарова жоғары біліктілікке ие және осы лауазымға оның реттеу саласындағы мол тәжірибесін және күшті академиялық білімін ескере отырып ұсынылды. Ақ үй бұл тарихи номинацияны қатты қолдайды» делінген Ақ үй өкілінің мәлімдемесінде.

Ақ үй өкілі материал дайындаған Fox News телеарнасын сынның астына алды.

– Жамандығымен көрінген саяси топтың, Fox News арнасымен өз еліне қызмет етуге тырысатын білікті кандидатты жамандау үшін біріккені өкінішті, – дейді Ақ үй өкілі.

Бөлісіңіз: