500 миллионнан аса заңсыз табыс: NBC TV қаржы пирамидасын тергеу ісі аяқталды

«NBC TV» қаржы пирамидасын құру және оған басшылық ету бойынша тергеу аяқталды, деп хабарлайды Orda.kz. 

ҚМА мәліметінше, күдікті 2025 жылы азаматтарды инвестициялық онлайн-жоба ретінде бүркемеленген қаржы пирамидасына тартады. 

Қатысушыларға қысқа бейнероликтерді қарағаны үшін табыс табу сылтауымен инвестиция салу ұсынылған. Олардың ортақ мессенджер чаттарында 200-ден астам адам болған.

Жобаға қатысу үшін 11 000-нан 160 000 теңгеге дейінгі инвестициялық пакеттерді сатып алу шарты қойылған. Осылайша тәулігіне 5–10%-ға дейін табыс табуға уәде етілген. 

Қаражаттарды қабылдау жеке тұлғалардың шоттарына жүргізіліп, кейін экриптовалютаға айырбасталып, анонимді әмияндарға жіберілген.

Сот санкциясымен 1 057 599 USDT (Tether) көлеміндегі криптовалютаға тыйым салынды. Бұл шамамен 528,5 млн теңге болады.

Күдіктіге елден шығуға тыйым салынды. Қылмыстық іс сотқа жолданды.

Оқи отырыңыз:

• 200 млн-ға жуық заңсыз табыс: Ақтөбеде қаржы пирамидасын ұйымдастырған бір топ адамға үкім шықты
• Қазақстанда жаңа қаржылық пирамида анықталды
• Қаржылық пирамида: «Пайызсыз баспана» басшылары сотталды