4 баласы бар: Пашинян азаматтық некедегі әйелімен ажырасты

cover Фото: Анна Акопянның Facebook парақшасынан

Армения премьер-министрі Никол Пашинянның жұбайы Анна Акопян екеуінің азаматтық некесі аяқталғанын айтты, деп хабарлайды Orda.kz Gazeta.press сайтына сілтеп.

Бұл туралы Анна Акопян Facebook парақшасында мәлімдеді. 

«Менің премьер-министр Никол Пашинянмен азаматтық некем аяқталды. Осы тақырыпты талқылау кезінде сабырлық пен әдеп сақтауларыңызды сұраймын» деп жазды ол.

Анна Акопян ажырасу себебін ашып айтпады.

Никол Пашинян мен Анна Акопян 1990-жылдардан бері жақын араласқан. Олар Ереван мемлекеттік университетінде оқып жүрген кезде танысқан. Ерлі-зайыптылар ресми түрде некелерін тіркемеген. Олар азаматтық некеде болған. Пашинян мен Акопянның төрт баласы бар.

Пашинян Анна Акопянға ресми түрде үйленбегенін «отбасымды қорғау үшін» деп түсіндірген. Саясаткердің айтуынша, 1990-жылдары оппозиционер болған кезінде ол қамауға алынып, мүлкі тәркіленуі мүмкін деп ойлаған. Сондықтан бірге сатып алған пәтерді балаларын ойлап, Аннаның атына рәсімдеген.

Пашинян 2018 жылы билікке келгеннен кейін Анна Акопян қоғамдық өмірге белсенді араласып, қайырымдылық және әлеуметтік жобалармен айналысты. 

Оқи отырыңыз:

Жаңалықтар

барлық жаңалықтар