17 жастағы мүгедек қызды зорлауға оқталған Үндістаннан келген студент ұсталды

Алматыда үндістандық студент қызды зорламақ болғаны үшін ұсталды. Анасының сөзінше, оқиға қаланың орталығында, қызы емтиханнан қайтып келе жатқан кезде болған, деп хабарлайды Orda.kz.

Алматы полициясы 17 жастағы мүгедек қызға қатысты сексуалдық әрекетіне қатысты Үндістан азаматын ұстады. Жәбірленушінің арызы Алмалы ауданы полиция басқармасында тіркелді. Қазір оқиғаның барлық мән-жайын анықтау үшін тексеру жүріп жатыр. Ер адам уақытша ұстау изоляторында.

Алматы тұрғыны Анна Муленкова Facebook-та жазба жариялап, төрт күн бұрын оның мүгедек қызын шетелдік студенттің зорламақ болғанын жазды.

Муленкова әлеуметтік желі қолданушыларынан көмек сұраған еді.

Айта кетейік, Түркістанда келін енесінің алтындарын ұрлап, құмар ойынына жұмсап тастаған.