«10 млн теңгеге қыдыру»: сотта Перизат Қайраттың анасының телефон жазбалары оқылды

Перизат Қайраттың сотында прокурор Арман Қазекен оның анасы Ғайни Алашбаеваның телефонынан табылған жазбаларды дауыстап оқып берді, деп хабарлайды Orda.kz.

Аталған жазба 2023 жылғы 16 тамызда жасалған.

• 37 млн теңге – көлік сатып алу;
• 5 млн теңге – тіс емдету;
• 10 млн теңге – Түркияға барып, емделіп қайту;
• 3 млн теңге – биологиялық белсенді қоспалар (ББҚ) сатып алу және ішу;
• 10 млн теңге – қыдыру;
• 3 млн теңге – фэншуйге қатысты шығын;
• 1 млн теңге – бадзыны оқуға жұмсалған;
• 2 млн теңге – офлайн шараларға бару және сол уақытта 3 млн теңгеге киім алу;
• 3 млн теңге – ақ алтыннан жасалған бриллиант білезік;

Мемлекеттік айыптаушылардың айтуынша, бұл қаражат Перизат Қайраттан түскен. Алайда Ғайни Алашбаева оның қайдан және қалай келгенін түсіндіре алмады. Ол тек Астана мен БАӘ-де пәтер сату, ет өнімдерін сату туралы расталмаған уәждер келтірді.

Сот процесі 23 шілдеде жалғасады. Келесі отырыста қорғаушы тарап өз ұстанымын білдіреді.