Жаңа АЭС атауына байқаудың басты шарттары жарияланды

Атом энергиясы агенттігінде Алматы облысында салынатын бірінші атом электр станциясының үздік атауына байқау өткізу жөніндегі жұмыс тобының отырысы өтті, деп хабарлады Orda kz.

Кездесуде конкурстық комиссияның ережесі мен құрамы бекітілді. Оған қоғам өкілдері, креативті индустрия өкілдері, атом энергетикасы бойынша сарапшылар, филологтар мен тарихшылар кірді.

Конкурс шарттары бойынша атаулардың нұсқалары бірқатар критерийлер бойынша бағаланатын болады: 

• танымалдылық,

• тарихи және мәдени маңызы,

• атом энергетикасының имиджіне сәйкестігі,

• үндестілік, есте сақтау жеңілдігі,

• ерекшелік және бірегейлік.

«Қарауға қорлайтын немесе кемсітетін сөздер, кемсітушілік, коммерциялық брендтерді еске салатын және Қазақстан Республикасының заңнамасын, авторлық құқықты қоса алғанда, үшінші тұлғалардың құқықтарын бұзатын ұсыныстар қабылданбайды» деп жазылған хабарламада.

Өтінімдерді eGov Mobile арқылы қабылдау жоспарлануда.

Еске салайық, 11 тамыз күні Ақордада Тоқаев мектеп оқушылары мен халықаралық олимпиада жеңімпаздарымен кездесіп, сол жерде  АЭС атауына конкурс жариялайтынын мәлімдеді.

«Қазақстандағы алғашқы АЭС атауы қарастырылады, біз осы бағытта жұмыс істеп жатырмыз. Егер тиісті ұсыныстар болса, оларды қабылдауға дайынбыз» деп мәлімдеді ҚР Атом энергиясы агенттігінің баспасөз қызметі тамыз айының басында. 

8 тамызда Алматы облысының Үлкен кенті маңында бірінші атом электр стансасы құрылысын бастап, салтанатты рәсім өтті.