Жамбыл облысында ресейлік байкерге пышақ сұққан тұрғын ұсталды

Жамбыл облысында жанармай құю бекетінде ресейлік байкерге пышақ сұққан тұрғын ұсталды, деп хабарлайды Orda.kz.

Шабуыл туралы ақпаратты Orda.kz редакциясына оқырмандар жолдады. Оқиға 13 сәуір, жексенбі күні Жамбыл облысы, Мерке ауылы маңындағы жанармай құю бекеттерінің бірінде болған. Ресейлік байкер Шымкенттегі мотомаусымның ашылуынан қайтып келе жатып, мотоциклін жанармаймен толтыру үшін тоқтаған. Осы кезде қала тұрғыны жақындап келіп, мотоцикл жүргізушісіне екі рет пышақ сұққан. 

«Қақтығыстың себебі — мотоцикл жүргізушілеріне деген өшпенділік болуы мүмкін», — деді оқырманымыз.

Зардап шеккен адам Мерке аудандық ауруханасына жеткізілді. 14 сәуір күні ол Алматы қаласына ауыстырылды. Қазір сол жерде ем қабылдап жатыр.

Facebook-те Yura Nom есімді қолданушы жанармай құю бекетіне бір отбасы минивэнмен келген. Шабуыл жасаған адам — сол көлік жүргізушісінің туысы. Шабуылдан кейін ер адам қайтадан минивэнге мініп, отбасы мүшелерімен бірге оқиға орнынан кетіп қалған.

Шабуылдаған адам ұсталып, қылмыстық іс қозғалды. 

Бұған дейін біз Қырғызстанда еуропалық туристер мінген пойызға тас лақтырғаны туралы хабарлаған едік.