Жалған диплом мен қылмыстық жауапқа тартылғандар сайлауға қатысты

ҚР Президенті Әкімшілігі Басшысының орынбасары Мәлік Мурзалин ауылдық округ әкімдеріне үміткерлер арасында қылмыстық әрекеті бар адамдар болғанын айтты.

Бұл туралы Orda.kz Хабарға сілтеме жасап хабарлады.

– Арнайы тексеру нәтижелері бойынша ауыл деңгейіндегі әкімдікке үміткерлер арасында жалған дипломы бар 17 адам және бұрын қылмыстық жауапкершілікке тартылған төрт адам анықталды. Әрине, оларға сайлауға қатысуға тыйым салынды, - деді Президент Әкімшілігі басшысының орынбасары.

Болжам бойынша, тексеру болмаған жағдайда, тұрғындар жалған дипломмен немесе қылмыстық тарихы бар адамдарды әкім етіп сайлап жіберуі мүмкін еді.

– Сіз осындай әкімдердің адамдарды басқарғанын қалайсыз ба? Мен де қолдамаймын, - деді Мурзалин.

Президент Әкімшілігі басшысының орынбасары ауыл әкімдерін тікелей сайлау басқару сапасына оң әсер етуі керек деп санайды.

Тұрғындар жергілікті қоғамдастық жиналысы немесе облыс мәслихаты арқылы әкімнің өкілеттігін тоқтату туралы мәселені қарастыра алады. Демек, шенеунікті сайлаушылар бақылайтын болады.

Еске салсақ, 25 шілдеде Қазақстанда елдегі алғашқы ауылдық округ әкімдерін тікелей сайлау өтті. Бұған дейін аудандық маңызы бар қалалардың, ауылдардың, кенттердің және ауылдық округтердің әкімдерін мәслихаттар сайлайтын. Сайлау тікелей өтпеген. Енді тұрғындар өздері жергілікті әкімдерді сайлайтын болады.