YouTube видеохостингі Дональд Трамптың ресми аккаунтынан жаңа бейнелерді жүктеу мүмкіндігін жеті күнге бұғаттады. Бұл туралы ORDA Axios порталына сілтеме жасап хабарлайды.

«Мұқият тексерістен кейін ықтимал зорлық-зомбылықтың өсуі туралы алаңдаушылықты ескере отырып, Дональд Трамптың каналына жүктелген жаңа видеоны алып тастадық. Нәтижесінде саясаткер енді жаңа бейнелерді арнаға жүктей алмайды және кем дегенде жеті күн тікелей эфирде көрсете алмайды. Бұғаттау мерзімі ұзартылуы мүмкін», – дейді портал мәлімдемесінде.

YouTube сонымен қатар зорлық-зомбылық қаупін алға тарта отырып, Трамптың арнасында пікір қалдыру мүмкіндігін де тоқтатып отырғаны атап өтті.

8 қаңтарда Twitter Трамптың аккаунтын жойған. Сондай-ақ, оның парақтарын Facebook, Instagram, Snapchat және Twitter әлеуметтік желілері бұғаттады.

АҚШ-тың қазіргі президентінің аккаунты бұғатталғаннан кейін, Twitter акциясы 12 қаңтарда алғашқы сауда-саттықтың ашылуында шамамен 11%-ға төмендеді.