Ұлттық қор балаларға: жиналған ақшаны оқу мен баспанадан басқа мақсатта жұмсауға бола ма?

Бұл сұраққа қаржы министрлігі бюджеттік кредиттеу, ҚР Ұлттық қоры және қаржы секторы мәселелері бойынша өзара іс-қимыл департаментінің директоры Айбол Арғынғазинов жауап берді, деп хабарлайды Orda.kz порталы.  

Арынғазиновтың сөзінше қазір қаражатты жұмсау (оқу немесе баспана алу) бойынша тізімді ұзарту көзделмеген.

Мемлекет басшысы айқындаған екі нысаналы мақсат бар: бірі білім алу, екіншісі баспана жағдайын жақсарту, – дейді ол.

Әзірге әр балаға 100 АҚШ долларынан (44800 теңге) түсті. Түскен түпкі соманы балаңыз 18 жасқа толғаннан кейін ғана ала алады.

Ұлттық банктың төрағасы Тимур Сүлейменов БЖЗҚ акционерлік қоғамын "Ұлттық қор — балаларға" бағдарламасының операторы екенін, балалардың санын салыстырып тексеретінін айтты.

«Бұл Әділет министрлігі мен Азаматтарға арналған үкімет жүргізетін үлкен мәліметтер базасы. Біз салыстыруымыз керек, бізде жүйеге кіретін 6,5-7 миллион бала бар. Қаңтар айының соңына дейін үкімет деңгейіндегі бір заңнама қабылдануы керек. Біз барлық жүйеміз дайын», - деді Сүлейменов.

Ақша алушыларға 7 млн-ға жуық шот ашылған. Биыл ақшаны бөлу үшін алдыңғы 18 жылдағы кірістер сомасы алынған. Бұл шамамен 700 млн доллар (316,3 млрд теңге).

2024 жылдан бастап Ұлттық қордан әр балаға 18 жасқа дейін әлеуметтік аударымдар бөлінеді. Келесі жылы Үкімет кепілдендірілген трансферт ретінде тағы 3,6 трлн теңге алуды жоспарлап отыр.

Ұлттық банктың жариялаған есебіне сүйенсек, 2024 жылдың басында Ұлттық қордағы ақша көлемі 60,03 млрд доллар болған. Бұл ұлттық валютамен есептегенде 27,2 трлн теңге.

Ұлттық қор көлемі 2022 жылдың желтоқсанында 55,7 млрд доллар болды, демек бір жылдың ішінде шамамен, қор 4,8 млрд долларға ұлғайған.

2023 жылдың шілде айында Ұлттық қор толықты. Көлемі 60,2 млрд теңгеге ұлғайғанымен, алынған трансферттер есебінен қайта азайған. 2023 жылы қордан бөлінген трансферт 4 трлн теңге болды.

.