Туризм министрлігі америкалық тревел-блогерді неге күтіп алмады? Министрліктің ресми мәлімдемесі

09 сәуір 2026 13:42 Альфия Адамбек

Фото: Бейнеден кадр

Америкалық танымал тревел-блогер Коннордың туризм және спорт министрлігіне деген өкпесі қара қазандай. Оның айтуынша, ресми шақырту алса да, министрліктен ешкім оны күтіп алмаған көрінеді. Бірақ туризм және спорт министрлігі оның сөздерін жоққа шығарды. Ведомсво блогерді арнайы шақырмаған, деп хабарлайды Orda.kz.

Бір күн бұрын америкалық танымал тревел-блогер әлеуметтік желідегі Camperghini парақшасында Қазақстан шекарасында түсірілген бейнежазба жариялады. Lamborghini Urus көлігін автоүйге айналдырып, әлемді шарлап жүрген саяхатшы «ресми шақырту алсам да, мені ешкім қарсы алмады» деді.

«Елге ресми түрде шақырылғаныңды елестетіп көрші. Бірнеше апта, тіпті айлар бойы жоспарларды талқылап, барлық детальдарды келісесің. Ал сен келген күні туризм министрлігі бәрін «ұмытып кетеді» деп жазды блогер.

Ол өзін Қырғызстандағыдай — ұлттық киімдегі адамдармен, шекарада арнайы ұйымдастырылған іс-шарамен күтіп алады деп ойлаған.

Алайда оларды ешкім қарсы алмаған.

«Тіпті не үшін елге кіріп жатқанымызды сұрап, тексерді», — деді ол.

Ал туризм және спорт министрлігі тревел-блогердің бұл мәлімдемесіне ресми жауап берді.

«Ведомство қызметінде жекелеген жеке тұлғаларды шақыру қарастырылмаған. Ресми түрде жеке өтініштер түскен жағдайда министрлік жан-жақты қолдау көрсетеді. Алайда аталған блогерден министрлікке ешқандай өтініш келіп түспеген», деп хабарлады ведомстводағылар.

Министрлік мәліметінше, Kazakh Tourism ұлттық компаниясы атынан блогермен жеке хат алмасу болған екен. Компания мәліметі бойынша, екіжақты келіссөздер нақты келісімге жетпей аяқталыпты.

Оқи отырыңыз:

Жаңалықтар

барлық жаңалықтар