Тоқаев пен Назарбаев Лукошенконы Тәуелсіздік күнімен құттықтады

Қазақстан президенті Қасым-Жомарт Тоқаев пен тұңғыш президент Нұрсұлтан Назарбаев Беларусь президенті Александр Лукашенконы Тәуелсіздік күнімен құттықтады, деп хабарлайды Orda.kz.

Беларусь президентінің баспасөз қызметінің мәліметінше, Лукашенконы әлем елдерінің басшылары, халықаралық ұйымдар мен интеграциялық бірлестіктер жетекшілері, сондай-ақ саяси және қоғам қайраткерлеріне құттықтау хаттарын жолдап отыр.

Қасым-Жомарт Тоқаев жеделхатында Александр Лукашенкоға мемлекеттік қызметте табыс, ал Беларусь халқына тыныштық, бақ-береке және өсіп-өркендеу тіледі.

«Сіздің берік басшылығыңызбен Беларусь елі әлеуметтік-экономикалық дамуда және халықтың әл-ауқатын арттыруда елеулі табыстарға қол жеткізіп келеді. Қазақ халқы бауырлас беларусь халқына, оның бірегей мәдениеті мен ұлттық дәстүрлеріне әрдайым терең құрметпен және ықыласпен қарайды. Қазақстан біздің елдер арасындағы достық пен өзара тиімді ынтымақтастықты нығайту жолындағы Сіздің жеке үлесіңізді жоғары бағалайды және қазақ-беларусь қарым-қатынастарын жаңа сапалы деңгейге көтеруге бағытталған күш-жігеріңізді толық қолдайды», — деп атап өтті Қазақстан президенті.

Қазақстанның тұңғыш президенті Нұрсұлтан Назарбаев та құттықтау жеделхатын жолдады.

«Алдағы уақытта да еліңіз халықаралық аренада өз орнын нығайтып, жаңа жетістіктерге қол жеткізе береді деп сенемін», — деді Нұрсұлтан Назарбаев.

Еске сала кетейік, Дәурен Абаев Рамзан Қадыровтың 17 жастағы ұлының үйлену тойына барғанын растады.