Тоқаев Испания королін Ұлт күнімен құттықтады

Қазақстан Президенті Қасым-Жомарт Тоқаев король VI Фелипе мен Испания халқына ұлттық мереке - Испан ұлты күніне байланысты құттықтау жеделхатын жолдады, деп хабарлайды Orda.kz.

Жолдауда Мемлекет басшысы достық пен өзара түсіністікке негізделген екіжақты қарым-қатынастардың нығая түскенін атап өтіп, Қазақстан мен Испания арасындағы ынтымақтастық екі ел халқының игілігі үшін дами беретініне сенім білдірген.

Тоқаев король VI Фелипеге табыс, ал испан халқына бақыт пен бақ-береке тіледі.

Маусым айында Астанада өтіп жатқан «Орталық Азия – Қытай» саммитінде Қасым Жомарт Тоқаев 2026 жылды білім және зерттеу жылы деп жариялауды ұсынды.

Сондай-ақ, Қасым-Жомарт Тоқаев Душанбеде өткен ТМД мемлекет басшылары кеңесінің отырысында сөз сөйлеп, ТМД-ның өзге басшыларына Каспий, көлік, креатив жөнінде ұсыныс жасады.