Тегеранда қаза тапқан жоғарғы көшбасшы Әли Хаменеиді еске алу рәсімі өтті

Иран жоғарғы көшбасшысы Әли Хаменеидің қаза болғанына 40 күн толуына арналған еске алу рәсімін өткізді, деп хабарлайды Orda.kz IRNA агенттігіне сілтеме жасап. 

Еске алу рәсімі Тегеранда өтті. Халық АҚШ пен Иран арасында  жарияланған екі апталық бітімнен кейін алғаш рет жиылды.

Тегеран жол полициясының басшысы Аболфазль Мусавипур қала орталығында көлік қозғалысына шектеулер енгізілгенін мәлімдеді. Шектеу таңғы 7:00-ден бастап енгізілген. Ал рәсімнің өзі 9:30-да басталған. 

Еске сала кетейік, АҚШ пен Израиль Иранға қарсы соғысты 28 ақпанда бастаған еді. Соққылар Иранның ең ірі қалаларына, соның ішінде Тегеранға бағытталған. Сонымен қатар, АҚШ басшылығы Иран халқын өз үкіметіне қарсы шығуға және билікті басып алуға ашық түрде шақырды. 

Соққы салдарынан Иранның жоғарғы көшбасшысы аятолла Әли Хаменеи және ислам республикасы басшылығының бірқатар маңызды өкілдері қаза тапты.

Оқи отырыңыз: 

• Иран Әли Хаменеидің отбасы мүшелерінің қаза тапқанын растады
• «Өліп жақсы көремін»: Нетаньяхудың «өлімі» мен алты саусақтың құпиясы
• Иранның жаңа рухани көшбасшысы Моджтаба Хаменеи Ресейге жеткізілді — БАҚ