Тарихи жеңіс: Қазақстандық арнайы жасақтар Дубайда өткен турнирде алтын және күміс жүлдеге ие болды

Қазақстандық арнайы жасақтар БАӘ-да өткен халықаралық UAE SWAT Challenge - 2026 турнирінде жеңіске жетті, деп хабарлайды Orda.kz. 

Жарыста еліміздің намысын бес құрама команда қорғап, тарихи жеңіске қол жеткізді.

Жалпыкомандалық есепте Kaz SWAT Team C командасы бірінші орынды, ал Kaz SWAT Team A командасы екінші орынды иеленді. Үшінші орын Қытай командасына бұйырды.

Ал Kaz SWAT Team B сегізінші орынды, Kaz SWAT Team Tomiris он сегізінші, Kaz SWAT Team D жиырмасыншы орын иеленді.

Айта кетейік, тартысты додаға әлемнің 48 елінен келген күштік құрылымдардың 109 арнайы бөлім командасы қатысты. Қазақстандық күштік құрылымдар турнирдің алғашқы күнінен-ақ көзге түсіп, үздік ондыққа енген еді.

Оқи отырыңыз:

• Дубайда өткен әуе шоуында үндістандық жойғыш ұшақ апатқа ұшырады
• БАӘ соты Өзбекстанның сегіз азаматын өмір бойына бас бостандығынан айыруға үкім шығарды
• Дубай шетелдік банктерге салық енгізеді