Тараздағы жарылыста көз жұмған 3 адамның жеке басы анықталды

Тараздағы жарылыстардан зардап шеккен тағы үш адамның жеке басы анықталды. Бұл туралы Orda.kz хабарлады.

ҚР Қорғаныс министрлігінің мәліметінше, олардың денелері бұрын өрт шыққан оқ-дәрі қоймасынан табылған.

Барлығы Жамбыл облысы Төтенше жағдайлар департаментінің қызметкерлері:

• 1-ші арнайы өрт сөндіру бөлімінің жүргізушісі, аға сержант Қуатбек Гафан Жомартұлы, 1995 ж.т.
• 4-ші өрт сөндіру бөлімінің өрт сөндірушісі, сержант Әділбек Әділет Қанатбекұлы, 1987 ж.т.
• 4-ші өрт сөндіру бөлімінің өрт сөндірушісі, қатардағы жауынгер Кеңес Әліби Бексұлтанұлы, 1999 ж.т

Еске салсақ, 26 тамызда Тараздағы әскери бөлімдердің бірінде сағат 19:00 шамасында инженерлік оқ дәрілер қоймасы жарылып, қатарынан 10-ға жуық жарылыс болған.

100 шақты адам зардап шеккен. Оның 49-ы ТЖМ қызметкерлері. Қазіргі таңда 15 адам қайтыс болған. 1 адам жоғалып кеткен.