Талибандар Кабул әуежайына бет алды. Үкімет қорғанысын күшейтті

Екі аптадан бері елді өзіне қаратып отырған Талибандар Ауғанстанның солтүстігіне шабуылын үдетті. Үкімет Кабул әуежайына жаңа әуе қорғаныс жүйесін орнатты.

Бұл туралы Orda.kz хабарлады.

Еске салсақ, 1 мамырдан бастап НАТО мен АҚШ өз әскерін елден шығара бастаған. Талибандар 423 ауданның үштен біріне үстемдік орнатқан.

Ендігі кезекте олар Талуканды басып алмақшы. 11 шілде Талибандар мен Үкімет арасында жанжал болған. Салдарынан, 10-ға жуық адам көз жұмған. Жергілікті губернатордың айтуынша, Тахар провинциясының орталығы шабуылға төтеп бере алған.

Мәлімет расталмаған.