Талғар тұрғындары су тапшылығынан көшеге наразылыққа шықты

Алматы облысы Талғар ауданының тұрғындары судың жоқтығынан тас жолды жауып, наразылық науқанына шықты.

Бұл туралы Orda.kz хабарлады.

Оқиға 11 шілдеге қараған түні Талғар тасжолында сағат 23:00 шамасында болған. Мұнда «Нұрия» тұрғын үй кешенінің жүзге жуық тұрғыны сусыз қалғандықтан көшеге шыққан. Оқиға болған жерден түсірілген кадрлар әлеуметтік желілерде пайда болды.

Бейнежазбада әкімдіктегілер судың жоқтығы «бір күн бұрын құбырдың төрт рет жарылғандығынан» деп ақталып тұр.

Полиция бұл оқиғаның Алматы облысы, Бесағаш ауылының аумағында болғанын айтты. 80-ге жуық адам Алматы-Талғар тас жолын жауып тастағаны атап өтілді.