Тәртіптік жауапқа тартылған әкімдер ауыл әкімінің сайлауына жіберілді

Павлодар обылысындағы бес ауыл әкімі тәртіптік жауапкершілікке тартылғанына қарамастан сайлауға жіберілді.

Бұл туралы Orda.kz хабарлады.

– Сонша жыл еңбектенгеннен кейін сайлауға қатысуға мүмкіндік бермеу дұрыс болмайтын еді. Сондықтан осы жолы біз оларға, яғни Екібастұз ауылдық аймағындағы бес әкімге сайлауға түсуге мүміндік бердік. Қазір бұл әкімдер Nur Otan саяси партиясы атынан ұсынылды, - деп мәлімдеді Екібастұз қаласындағы аймақтық сайлау комиссиясының төрағасы Сансызбай Төлеубаев.

Айта кетсек, қолданыстағы заң бойынша мемлекеттік қызметке нұқсат келтірген әрекеті үшін соңғы үш жылда тәртіптік жауапкершілікке тартылған азамат мемлекеттік қызметке тағайындала алмайды.

Оған спикер «оларға сәйкес құжаттарымен сайлауға қатысуға мүмкіндік берді» деп жауап берді.

Еске салсақ, 2021 жылы мамыр айы мен маусым айының арасында көп жылдан бері округ басқарған бес ауыл әкімі «Еңбек» мемлекеттік бағдарламасын жүзеге асыру барысында заң бұзушылық жасағаны үшін жауапқа тартылған.