Сымбат Құлжағарованың іс материалдары прокуратурада зерттелуде

Нұр-Сұлтан қаласында қайтыс болған Сымбат Құлжағарованың өлімі туралы іс материалдары прокуратурада зерттелуде. Жуырда істің сотқа өтетіні немесе жабылатыны белгілі болады.

Бұл туралы Orda.kz редакциясына полициядағы дереккөз хабарлады.

29 жастағы астаналық Сымбат Құлжағарова өз-өзіне қол жұмсағаннан бері жарты жыл өтті. Екі баланың анасының мәйіті 10 желтоқсанда елордалық тұрғын үй кешендерінің бірінің жанынан табылған. Ол биік ғимараттан секірген деген ақпарат бар.

Құлжағарова көзі тірісінде Instagram әлеуметтік желісінде күйеуін зорлық жасады деп айыптап, онлайн-күнделік жүргізген. Сондықтан оның өлімі осы жазбалармен бірге тез таралып, күйеуіне қарсы топтар да жинала бастаған.