Сорбұлақтан әскери тікұшақтың сынықтары табылды

Сорбұлақ көлінде жүргізілген іздестіру жұмыстары барысында тікұшақтың сынықтары табылды. Қазіргі уақытта мән-жайлар анықталып жатыр, деп хабарлайды Orda.kz.

Қорғаныс министрлігінің мәліметінше іздестіру жұмыстары күрделі гидрографиялық жағдайда жүргізіліп жатыр. Соған қарамастан, іздеуге қатысқан барлық бөлімшелер өздеріне жүктелген міндеттерді жоғары дәрежеде орындап жатыр.

«Қорғаныс министрлігі басқа да мемлекеттік органдармен бірлесіп, іздестіру жұмыстарын аяқтау үшін барынша шара қабылдады. Қосымша ақпарат жаңа деректер түскен сайын ұсынылатын болады»,  деп хабарлады ведомство.

Еске сала кетсек, жоғалған әскери тікұшақта бір отбасының жалғыз ұлы ұшқаны белгілі болды.