Сөгіс естіген көлік министрлігі ішкі тексеріс жұмыстарын жүргізеді

Президенттен сөгіс алған көлік министрлігі ішкі тексеріс жұмыстарын жүргізетін болды, деп хабарлайды Orda.kz. 

Көлік министрлігі сыбайлас жемқорлыққа байланысты талдау жүргізілетінін мәлімдеді. Тексеру жұмыстары 20 мамырда басталады.

Айта кетейік, екі күн бұрын Қасым-Жомарт Тоқаев көлік-логистика саласын дамытуға арналған қауіпсіздік кеңесі отырысын өткізді. Президент жиында көлік министрі Марат Қарабаевқа сөгіс жариялады. Ол министрге саладағы мәселелерді шешу бойынша нақты шаралар қабылдауды тапсырды.

Еске салайық, Orda.kz бұған дейін қызғалдақпен суретке түскен әкімнің ісі уақытша тоқтағаны жайлы жазған болатын.