СҚО-да өртеніп шатыры құлаған үйден 5 жасар қыздың денесі табылды

cover Фото: Pixabay.com

Солтүстік Қазақстанда облысында бір күнде екі бірдей қайғылы оқиға болды, деп хабарлайды Orda.kz. 

Ольшанка ауылында жеке тұрғын үй өртеніп, шатыры құлады. Құтқарушылар үй ішінен 5 жасар қыз баланың денесін тапты. 

Солтүстік Қазақстан облыстық төтенше жағдайлар департаменті мамандарының айтуынша, бала өлімімен аяқталған Ольшанка ауылындағы өрт пешті дұрыс пайдаланбаудан шыққан. 

«Оқиға орнына СҚО ТЖД басшылығы барды. Қазіргі уақытта баланың анасына психологиялық көмек көрсетілуде. Тілсіз жауды ауыздықтауға 11 техника мен 35 маман қатысты. Алдын ала болжам бойынша өрт пешті дұрыс пайдаланбаудан шыққан»,  деп хабарлады СҚО ТЖД баспасөз қызметі.

Ал Приишимка ауылында өртенген тұрғын үйден 52 жастағы ер адамның мәйіті табылды.

Айта кетейік, Павлодар облысында да тұрғын үй өртеніп, екі бала көз жұмды.

Жаңалықтар

барлық жаңалықтар