Сирия Қорғаныс министрлігі Израильдің Дамаскке соққы бергенін хабарлады

Сирияның Қорғаныс министрлігі Дамасктің шет аймақтарын Израиль тарапынан атқылағаны туралы мәлімдеді, деп хабарлайды Orda.kz Сирия қорғаныс министрлігі сайтына сілтеме жасап.

Хабарларға қарағанда, зымыран астана маңындағы ғимаратқа тиген, бірақ зардап шеккендер жоқ.

«Бүгін сағат 03:20 шамасында Израиль жауы басып алынған Голан төбелері аумағынан әуе шабуылын жасап, Дамаск маңындағы ғимараттардың біріне соққы берді. Сирияның әуе шабуылына қарсы қорғаныс күштері снарядтардың бір бөлігін атып түсірді, шабуыл материалдық шығын әкелді» делінген министрлік сайтында.