Шымкентте психикалық орталықта қыздарды зорлаған екі санитар 15 жылға сотталды

Түркістан облыстық психикалық орталығында қос қызға зорлық көрсетіп, бірі біреуін тіпті жүкті қылған екі санитарға бүгін сот үкім шығарды, деп хабарлады Orda.kz.

Екі санитар қыздарды зорлау үшін алдымен оларға дәрі бері ұйықтатып, артынан арам ойларын жүзеге асырған. Жәбірленушілердің арасында шизофрения дертімен ауыратын 17 жастағы қыз болған. Ол жүкті болып қалып, кейін түсік жасатқан.

Бұл оқиға жайлы біз 2024 жылдың қарашасында жазған едік. Ал 2025 жылы Orda.kz тілшісі Шымкент қаласына барып жәбірленуші қыздар мен оның адвокаттарынан сұхбат алып істің қандай деңгейде екенін біліп қайтқан еді.

Психикалық орталық қызметкерлері қылмыстық кодекстің 120-бабы 3-1-бөлігінің 1-тармағы бойынша айыпты деп танылды. Екеуі де 15 жылға бас бостандығынан айырылып, колонияға жіберілді.