Шетелдіктерге жер сатуға тыйым салатын заңның осал тұстары қандай?
«Нұр Отан» партиясының депутаттары шетелдіктерге жер құқығын иеленуге мүмкіндік қалдырды.
Бұл туралы Orda.kz ҚазТАГ-қа сілтеме жасап хабарлады.
Жер кодексінің 48-бабының 2-тармағында «Шетелдіктер мен азаматтығы жоқ адамдар - конкурсқа қатысқан жеңімпаздар, ауыл шаруашылығы өндірісі, орман өсіру, қосалқы ауылшаруашылығы үшін жер учаскелері уақытша жер пайдалануға 25 жылға дейінгі мерзімге жалға беріледі» делінген. Нұр Отандықтар «ауыл шаруашылығы өндірісі, орман өсіру, қосалқы ауыл шаруашылығы үшін» дегенді «орман өсіру үшін» дегенге ауыстыруды ұсынды.
Мәжілісмендер «Қазақстан Республикасының кейбір заңнамалық актілеріне жер қатынастары мәселелері бойынша өзгерістер мен толықтырулар енгізу туралы» заң жобасының тұжырымдамасында жерді орман өсіру мақсатында беруге тыйым салу қарастырылмаған деп санайды.
– Жер кодексінің 138-бабына сәйкес «резервтік жерлер осы Кодексте белгіленген тәртіппен және жағдайларда жеке орман өсіру үшін меншікке немесе жер пайдалануға беріледі». Сонымен қатар, заң жобасының тұжырымдамасы шаруа қожалықтары мен ауылшаруашылық өндірісі үшін тек ауыл шаруашылығы жерлерін беруге тыйым салуды енгізуді көздейді, - деді депутаттар ұсынған түзетудің негіздемесінде.
Бұл нұсқаны парламенттің төменгі палатасы мақұлдап, Сенаттың қарауына жіберді.
Еске салсақ, 2020 жылдың 1 қыркүйегінде Президент Қасым-Жомарт Тоқаев халыққа үндеуінде 2021 жылы 31 желтоқсанда Қазақстанда жер мораторийі аяқталатынын еске салып, «жер шетелдіктерге сатылмайды» деп сендірді. Алайда, оның пікірінше, «үкімет ауылшаруашылық жерлерін экономикалық айналымда толық пайдалануы керек», президенттің сөзіне қарағанда, аграрлық секторға инвестиция тарту «ауадай қажет».
20 қаңтарда Мәжіліс депутаты Берік Дюсембинов бір топ мәжілісмендердің атынан өтініш білдіріп, үкімет жер кодексіне жедел түрде өзгертулер енгізуі керек деп мәлімдеді, өйткені жер сатуға мораторий 2021 жылы аяқталады.
12 наурызда Тоқаев Мәжіліске шетелдіктерге жерді сатуға және жалға беруге тыйым салатын заң жобасын жіберді. Заңды 14 сәуірде Мәжіліс екінші оқылымда мақұлдады.
Жаңалықтар
- ҰБТ-2024 Қазақстанның он төрт облысында басталды
- Әлия Назарбаеваның рейдерлік әрекеті халықаралық деңгейге шығады
- Назарбаевтың бұрынғы келініне қатысты іс: Сот қашан басталады?
- Қазақстанда мәдениетсіз әртістерді айыппұлмен жазаланады
- Бишімбаев ертерек бостандыққа шыға ала ма?
- МАЭК-те 1,4 млрд сомаға мемлекеттік сатып алулар бойынша бұзушылықтар анықталды
- Өзбекстанда депутат өзбек тілін білмейтіндерге мемлекеттік қызмет көрсетпеуді ұсынды
- Астанада «НК Продкорпорация» басшылары сотталды
- Қостанайдан Алматыға ұшқан ұшақта жолаушы қаза тапты
- Путин Қытайға келді
- Джо Байден мен Дональд Трамптың дебаты 27 маусым мен 10 қырқүйеккке жоспарланды
- Словакия премьер-министріне оқ атылды
- Жаттығу кезінде жарылған гранаттан зақым алған полицей ауруханаға түсті
- Биылғы түлектер мектеп бітіру күнін қалай өткізеді
- Қостанай облысында полицейді өлтірді деген күдікті ұсталды
- Гүлмира Сатыбалдыға қатысты алғашқы алдын ала тыңдау қалай өтті?
- Жылыой ауданында 100-ден астам отбасы бүлінген жылжымайтын мүліктерін бағалау қорытындысын алды
- Теңіздегі «сақалды» құрылыс нысаны бас мердігерінің басшылығы ауысты
- Мемлекет басшысы Германия экономикасының Шығыс комитеті басқармасының төрағасын қабылдады
- ЕО Израильді Рафахтағы әскери операциясын дереу тоқтатуға шақырды