Шерзаттың әкесіне қатысты қылмыстық іс тоқтатылды

Шерзаттың әкесі Қаржаубай Нұрымовқа қатысты қылмыстық іс тоқтатылды, деп хабарлайды Orda.kz.

Бұл туралы оның адвокаты Мейірман Шекеев хабарлады.

«Қаржаубайдың кейбір жаулары біздің үнсіздігімізді Қаржаубай сотталадыға сайып, бағып жүрді. Ол жайлы отбасын әбден қаралап әбігерге салған бір адам, осы істің артын бағып та жүрді. Кейбір тікелей эфирде айтып та жатыр. Қаржаубай сотталады дегендей үміттерін үзбегені де рас» деп жазды адвокат.

Адвокаттың айтуынша, Қаржаубайға қатысты қылмыстық іс қылмыстық-процестік кодекстің 35-бабы 1-бөлігі 12-тармағы негізінде тоқтатылды.

Еске сала кетейік, марқұм Шерзат Болаттың әкесіне қатысты қылмыстық іс «бөтеннің мүлкін қасақана бүлдіру» дерегі бойынша қозғалған. Бұған оның полицейлер мінген көліктің дөңгелегін жарып тастауы себеп болды. Оқиға Нұрқанат Ғайыпбаевты жерлеу рәсімінен соң болған. Ол 9 желтоқсанда Шерзаттың ағасы жұмбақ жағдайда өлі табылған болатын.