Шерзат ісі: Айыпталушылармен бірге жүрген екі қыздың кім екені белгілі болды

Шерзат ісінде куәгер деп танылған екі қыздың кім екені, әрі олардың оқиға орнына кімдермен бірге барғаны мәлім болды, деп хабарлайды Orda.kz.

Прокурор Дана Сәрсенбай айыптау актісінде Шерзат ісіне қатысты (әуелі күдікті деген ақпарат тараған) екі қызға байланысты мәліметтерді айтты.

4 қазанға қараған түні Нұрбол Тоқтаубаев өзінің таныстары — Азамат Тоқтаубаевты, Ілиясовты, Шынасылды, Сәкиев пен Белғожаевты «Қамажай» дүкенінің алдына шақырып алған.

Дәл қазір прокурор әрбір сотталушыға жеке-жеке тоқталып, олардың іс-әрекеттері мен айыптау актілерін оқып жатыр. Осыдан соң, судья сотталушылардан бұл айыппен келісетінін, не келіспейтінін сұрайды. 

Сот залындағы Orda.kz тілшісі болып жатқан жағдайды баяндап, тікелей ақпарат таратып жатыр.

Еске сала кетсек, Талғарда 4 қазан күні бір топ адам келіп дүкен иесі Қаржаубай Нұрымов, ұлы Шерзат Полат және ағасы Нұрқанатпен жанжалдасып, арты кісі өліміне ұласты. 16 жасар Шерзат Полат қаза болды. Бұл іс қоғамда үлкен резонанс тудырды.

9 желтоқсан күні таңертең жасөспірім Шерзат Полаттың ағасы Нұрқанат Ғайыпбаевтың денесі табылды.

10 желтоқсанда Азат ауылында Шерзаттың ағасы Нұрқанат Ғайыпбаевтың жаназасы өте салысымен арты үлкен дауға айналды. Қаржаубай Нұрымов 10 желтоқсан күні ағасының жаназасында ұсталды. Ол жүк көлігінің төбесіне шығып, ұлы мен ағасының өліміне қатысты әділ тергеу жүргізуді талап еткен болатын. Сот оны ұсақ бұзақылық пен полиция қызметкерлеріне шабуыл жасады деген айыппен 15 тәулікке қамау туралы шешім шығарды. Алайда Нұрымов бұл айыптарды жоққа шығарып, тек полиция көлігінің дөңгелектерін тескенін мәлімдеді.

Осы кезде полиция туыстары мен адвокаттары өтінген соң, Қаржаубайды ұстадық деп мәлімдеген еді. Қаржаубай Нұрымовтың адвокаты полицияға оның жақындары ұстаңдар деп айтпағанын мәлімдеді.

Нұрқанат Ғайыпбаевтың өліміне қатысты оқиғаның егжей-тегжейін мына репортаждан оқи аласыз.

Еске сала кетсек, ІІМ бірінші орынбасары Бауыржан Әленов пен бас прокурор Берік Адамов және тергеу ісін қолға алған Самат Айысов 15 қазан брифинг өткізген. Олардың артынан ұсталғаны мәлім болды. Ұсталғандардың кім екенін сол брифингте айтып берген еді.

Шерзаттың үйі өртенген түні болған оқиғаны мына сілтемеден оқыңыз.