Серік Сәпиев өзінің орынбасарымен болған жанжалға қатысты пікір білдірді

Әлеуметтік желіде тараған боксшы Серік Сәпиев пен орынбасары Дәурен Есімхановпен болған жанжалға байланысты жауап берілді, деп хабарлайды Orda.kz.

Боксшы әдеп нормаларын сақтап, арандатушылыққа ермейтінін тілге тиек етті. Сондай-ақ, ол бұл мәселенің толықтай қаралып, жабылғанын мәлімдеді.

«Мен мемлекеттік қызметкермін және өз міндеттерімді атқару барысында мемлекеттік қызмет этикасын сақтаймын. Бала кезімнен бапкерлерім рингтен тыс жерде күш қолданбауды үйретті. Өз мүмкіндігімді жақсы білемін, барлық іс-әрекетім үшін жауапкершілікті сезінемін. Сол себепті арандатушылыққа ермеймін. Мәселе толықтай жабылды» деп жазды Сәпиев.

Айта кетейік, бокстан олимпиада чемпионы Серік Сәпиев Қарағандыда самбодан және жауынгерлік самбодан Азия және әлем чемпионаттарының жүлдегері әрі өзінің орынбасары Дәурен Есімхановпен төбелесіп қалғаны туралы әлеуметтік желіге тараған болатын.