Сербия президенті мен оның отбасына қастандық жасауға тырысты деген күдікпен екі адам ұсталды

Сербияның Кралево қаласында полиция ел президенті Александр Вучич пен оның отбасына қастандық жасауға дайындалды деген күдікпен екі ер адамды ұстады, деп хабарлайды Orda.kz РИА Новости агенттігіне сілтеме жасап.

Полицияның мәліметінше, ұстау шарасы қауіпсіздік және ақпарат агенттігі қызметкерлерімен бірлесіп жүргізілген.

1975 және 1983 жылы туған күдіктілер ұсталды. Олар былтырғы желтоқсан айы мен 2026 жылғы ақпан аралығында Сербияда конституциялық құрылымды күшпен өзгерту және жоғары мемлекеттік органдарды құлату туралы келіссөз жүргізген. Қару-жарақ сатып алып, Сербия Республикасы президенті Александр Вучичтің, оның жұбайы мен балаларының өмірі мен денсаулығына қастандық жасауды ойластырған.

Күдіктілерден қару-жарақ, көлік немесе арнайы жабдық табылғаны туралы ақпарат айтылмады. Олар 48 сағатқа қамауға алынып, іс Кралево қаласының жоғарғы прокуратурасына тапсырылды.

Оқи отырыңыз:

• Ұлыбританияның АҚШ-тағы бұрынғы елшісі Эпштейн ісіне байланысты ұсталды
• Телефон қуаттағыш жарылды: Америкалық ұшақ шұғыл қонуға мәжбүр болды