«Сен кімсің өзі?»: Құзырлы орган қызметкерлері Orda.kz заңгеріне дөрекілік танытты

Orda.kz тілшісінің айтуынша, олар әріптестерімен бірге оқиға орнынан тікелей эфир жүргізген. Эфир аяқталған соң, команда редакциядан шығып, кофеханаға барып, эфирдің кейбір тұстарын талқыламақ болған. Дәл осы сәтте, оның сөзінше, жолдарын полиция қызметкерлері бөгеп, куәліктерін көрсетіп, журналистерді тоқтатқан, деп хабарлайды Orda.kz.

Адвокат Ольга Диденко тергеу тобының аға тергеушісінен қаулыны көрсетуін сұрайды. Тергеуші өз аты-жөнін айтып таныстырған. Ольга оның есімін, тегін және қызметтік нөмірін жазып алған. Алайда журналистің айтуынша, тергеуші қаулыны көрсетуден үзілді-кесілді бас тартқан әрі онымен дөрекі сөйлескен.

«Ол Ольгаға: «сен кімсің өзі?» деп, тіпті «сауатың жоқ» деген сөздер айтты. Әрі қаулыны көрсетпейтінін, себебі оның тергеу әрекеттерінің қатысушысы емес екенін айтқан», — деді журналист. 

Осы кезде, оның айтуынша, полиция Orda.kz-тің басқа бір журналисін тергеп, сұрақ жаудырған.

«Оны төрт жағынан қоршап алды. Адвокатты жанына жолатпады», — деді журналист. 

Айта кетейік, таңнан бері Orda.kz редакциясына қара киінген арнайы әскери адамдан келіп тінту жүргізіп жатыр.