Семейде ер адам полицейлердің көліктерін өртеп жіберді

Оқиға 25 қаңтар күні сағат 18:10 шамасында Семей қаласындағы учаскелік полиция пунктінің маңында болған. Жергілікті тұрғын екі автокөлікті өртеп жіберген, деп хабарлайды Orda.kz. 

Абай облысы полициясының мәліметінше, көліктер полиция қызметкерлеріне тиесілі болған. Ведомство дерегіне сәйкес, бұрын сотталған 66 жастағы ер адам мас болған көрінеді. Ол Chevrolet Cobalt және Changan маркалы автокөліктерге жанармай құйып, өрт қойған.

Айта кетейік, Ақтөбе – Орынбор тас жолында болған жол апаты төрт адамның өмірін жалмады.