Сегіз жастағы балаға қол көтерген азаматтың әйелі бейнеүндеу жасады

Балқаш қаласында 8 жастағы баланы ұрып-соққан азаматтың әйелі қоғамда резонанс тудырған оқиғаға байланысты бейнеүндеу жасады, деп хабарлайды Orda.kz.

Ол жұбайының балаға қол көтеруіне не себеп болғанын түсіндіруге тырысты.

Әйелдің айтуынша, зорлық көрген бала – оның туған жиені. Анасы оны жиі демалыс кезінде апасының үйіне жібереді. Шілде айының соңында да бала сол үйде қонақта болған.

Оқиға болған сәтте әйелдің өзі жұмыста жүрген. Ал күйеуі түскі ас ішкен соң бір жасар ұлдарын ұйықтатуға кірісіп, 8 жасар жиені мен 4 жасар қызына тыныш отырсын деп планшет берген. Біраз уақыттан кейін балалардың бөлмесіне кірген ер адам – қызының ішкиімсіз жерде жатқанын, ал үстінде жиені отырғанын көріп, ашуға бой алдырған. Осыдан кейін балаға қол жұмсаған.

Сондай-ақ азаматтың жұбайы:

• баланың күйік іздері немесе дене мүшелерінің сынуы туралы ақпаратты жоққа шығарды;
• Жұбайының баланың саусақтарын сындырғаны туралы айтылған мәліметтер шындыққа жанаспайтынын мәлімдеді.

Бұл жағдай қоғамда үлкен алаңдаушылық туғызып отыр. Тергеу органдары істі өз бақылауына алды.