Токиодағы олимпиада ойындарында Қазақстан намысын қорғап шыққан Сәкен Бибосынов жартылай финалға өтті.
Бұл туралы Orda.kz хабарлады.
Ол енді кемінде қола жүлдеге дәмелене алады.
3 тамыз 52 килограм салмақта сынға түсіп жатқан Бибосынов испан боксшысы Габриэль Эскобарды 3-2 есебімен жеңді.
Енді 5 тамызда жартылай финалда Бибосынов Ұлыбритания боксшысы Галал Яфаймен жұдырықтасады.
Жартылай финалға өткен боксшы Карло Паалам (Филиппин)-Рёмэи Танака (Жапония) жұбының жеңімпазымен алтын медалға таласады.
Еске салсақ, жартылай финалға Бибосыновпен бірге Қамшыбек Қоңқабаев та шыққан.
Сондай-ақ, бүгін ширек финалда Зәкір Сафиуллин (63кг) өнер көрсетеді.
Қазақстан атынан шыққан басқа боксшылар еш жүлдесіз қалды.
Айта кетсек, Қазақстан құрамасынан Токиода дзюдошы Елдос Сметов, ауыр атлеттер Игорь Сон және Зүлфия Чиншанло қола медаль алған.
Қазір Қазақстан үш қола медальмен командалық есепте 71-орында тұр.
