«Рұқсатсыз дәретханаға кеткен»: Алматы облысында мұғалім оқушысын сотқа берді

Алматы облысында мектеп оқушысына ұсақ бұзақылық бойынша әкімшілік хаттама толтырылды, деп хабарлайды Orda.kz. 

Талғар аудандық соты 11-сынып оқушысына қатысты істі қарады.

Сот мәліметінше, 23 қаңтар күні физика сабағы кезінде оқушы партаның үстінен секіріп өтіп, дәретханаға шығып кеткен. Кейін сыныпқа оралып, мұғалімнен кешірім сұрап, партаны сүртіп қойған.

Сот оқушы партаның үстінен мәжбүрлі түрде секіргенін анықтады. Себебі жанында отырған сыныптасы оны өткізуден бас тартқан.

Сот әкімшілік құқық бұзушылық құрамы болмағандықтан істі тоқтатты. 

Оқи отырыңыз:

• Алматы тауларына көшкін қаупіне байланысты блокбекеттер қойылды
• Қолқаны қапқан жағымсыз иіс: Екі жыл бойы тұншыққан өңірдегі ахуалдың себебін әкімдік те, экологтар да білмейді
• Алматыда ерекше балаларды оқытатын тағы бір мектеп жұмысын тоқтатуға мәжбүр