Ресейлік БАҚ: Әскер жасындағы ресейліктер Қазақстаннан депортациялануы мүмкін

Ресейлік БАҚ-тар Қазақстанның Ұлттық қауіпсіздік комитеті уақытша тұруға берілетін жалған рұқсаттар туралы қылмыстық істі тергеп жатқаны туралы ақпарат таратты, деп хабарлайды Orda.kz.      

Көрші мемлекеттің журналистері бұл соғыс басталғалы Қазақстанға келген кейбір ресейліктердің депортациялануына әкелуі мүмкін деген алаңдаушылықтарын білдірген. Олардың айтуынша, іс бойынша куәгер ретінде әскер жасындағы ондаған Ресей азаматы өтуде.

Тергеу 2026 жылдың ақпан айының соңында басталған. Мәліметтерге қарағанда, тергеушілер бірнеше адамнан топтап жауап алуда.

Уақытша тұруға рұқсат шетел азаматтарына Қазақстанда бір жылға дейін болуға мүмкіндік береді. Оны алу үшін ресми жұмыс пен тұрғылықты жері бойынша тіркеу қажет.

Сондықтан ресейлік құқық қорғаушылар бұл тергеу ресейліктердің жаппай депортациясымен аяқталуы мүмкін деп болжайды.

Әзірге Қазақстан Ұлттық қауіпсіздік комитеті тарапынан бұл туралы ресми мәлімдеме жасалған жоқ.

Оқи отырыңыз:

• Екі тәулік бойы шетелдік әуежайдың депортациялық камерасында отырған бала
• АҚШ-та миграциялық заңнаманы бұзды деген күдікпен қазақстандықтар ұсталды
• АҚШ-та заңсыз жүрген қазақстандықтар өз еркімен кетуі тиіс