Путиннің досы ашқан компания «Лукойлдың» шетелдік активтерін сатып алмақ

Gunvor компаниясы сатып алу туралы ұсынысты өз бетінше жасап, тараптар мәміленің негізгі шарттарын келісіп қойды, деп хабарлайды Orda.kz.

Мәміле компанияның шетелдік активтерін біріктіретін 100% LUKOIL International GmbH компаниясын сатып алуды көздейді. Олардың құнын «Ренессанс Капитал» сарапшылары санкциялық дисконттарды ескере отырып, 3-4 миллиард долларға бағалап отыр.

Компанияда міндеттейтін келісімшарт жасау үшін АҚШ Қаржы министрлігінің Шетелдік активтерді бақылау басқармасының (OFAC) рұқсаты қажет екенін айтты. Сондай-ақ, топтың активтері бар басқа елдерде келісу қажет болуы мүмкін. Бұл жағдайда «Лукойл» мен Gunvor барлық процедуралар аяқталғанға дейін лицензияны ұзартуды сұрап, америкалық реттеушіге жүгінбек.

Gunvor 1997 жылы құрылған және ұзақ уақыт бойы ресейлік мұнайдың ірі экспорттаушыларының бірі болып, әлемдік мұнай трейдерлерінің алғашқы үштігіне кірді. 2014 жылы Қырымды аннексиялағаннан кейін Тимченко санкциядан қорқып, өз үлесін серіктесіне сатқан. Алайда АҚШ Қаржы министрлігі Путиннің Gunvor-ға инвестиция құйып, оның қаржысына қол жеткізгенін мәлімдеген.

«Лукойл» — Ресейдің мұнай өндіру көлемі бойынша екінші ірі компаниясы. Ол Қазақстан, Әзірбайжан, Өзбекстан, Ирак, Мысыр, БАӘ, сондай-ақ Латын Америкасы мен Африка елдеріндегі кен орындарын игеру жобаларына қатысады.

Gunvor мен «Лукойл» — екеуі де посткеңестік кеңістіктегі аса ірі компаниялар. 

Айта кетейік, Алматыдағы «Жайлау» гольф-курортында жуырда елге танымал тұлғалар бас қосты. Ұлттық Audi Quattro Cup турнирі жай ғана спорттық дода емес, ескі достардың бас қосуына айналды. Көк майсада тек бизнес элитасы ғана емес, бұрынғы саясаткерлер де бой көрсетті. Қонақтар арасында Алматының бұрынғы әкімі Ахметжан Есімов, ҰҚК-нің бұрынғы төрағасы Нұртай Әбіқаев және басқа да бұрынғы саясаткерлер бар.