Президенттікке үміткер болған саясаткер оқ тиіп көз жұмды

Колумбияда президенттікке үміткер болған Мигель Урибе Турбай қайтыс болды, деп хабарлайды Orda.kz. 

39 жастағы сенаторды 2 ай бұрын сайлаушылармен кездесу кезінде атып кетті. Басына екі рет оқ тиген кандидаттың беті бері қарамай, жансақтау бөлімінде көз жұмды. 

Қастандық 7 маусымда Фонтибон метрополитенінде болған. Бұған дейін саясаткер Fundación Santa Fe клиникасында ауыр халде жатты. Дәрігерлер Мигель Урибе Турбайдың көп қан кеткеннен көз жұмғанын айтты. 

Полиция қылмыстық іс қозғады. Қанды қылмыс үшін алты адам күдікке ілінді. Олардың арасында 15 жастағы жасөспірім де бар. 

Еске салайық, Тбилисидегі сот Грузияның экс-президенті Михаил Саакашвилиді 9 жылға бас бостандығынан айырды. Ол мемлекет қаражатын ысырап еткені үшін кінәлі деп танылды.