Премьер-министрдің экс-көмекшісіне қатысты қылмыстық іс заңды деп танылды

Премьер-министрдің экс-көмекшісі Ерлан Қожағапанов пен ҰАҚ АҚ «Қазатомөнеркәсіп»   басқармасының бұрынғы мүшесі Асқар Батырбаевқа қатысты қозғалған қылмыстық істер заңды деп танылды.

Бұл туралы КазТАГ хабарлады.

Еске сала кетейік, Бұрынғы мәдениет және спорт вице-министрі, премьер-министрдің экс-көмекшісі Ерлан Қожағапанов наурыздың 6-сы күні Қазақстан мен Ресей арасындағы форумға кететін шығынды өсіріп, жемқорлық  жасады деген күдікпен ұсталды. Сонымен қатар, «ҚазАтомӨнеркәсіп» ҰАК» АҚ бұрынғы бас коммерциялық директоры Асқар Батырбаевта ұсталған.

«Бұрынғы Мәдениет және спорт вице-министрі және «Қазатомөнеркәсіп» ҰАК» АҚ басқарма мүшесіне қатысты сотқа дейінгі тергеп-тексеруді бастау кезінде заң бұзушылықтар болған жоқ. Бұл мәселе қылмыстық істі тіркеу заңды деп танылған тергеу сотында да қаралды» деді бас прокуратура.