Перизат Қайраттың көлігі сатылымға шығарылды

Астана қаласының мемлекеттік мүлік және жекешелендіру департаменті қара түсті Mercedes-Benz S450 автокөлігін сату туралы хабарландыру жариялады, деп хабарлайды Orda.kz.

Сауда-саттық 7 сәуірде сағат 10:00-де басталады. Көліктің мемлекеттік нөмірі – 777KPK01. Жинаққа Pandora сигнализациясы бар кілт те кіреді. Көліктің аккумуляторы істен шыққан. Құны – 79 415 000 теңге.

Қазіргі уақытта көлікті тек мемлекеттік мекеме немесе мемлекеттік кәсіпорын нысанында тіркелген заңды тұлғалар ғана ала алады. Егер көлік сатылмаса, онда лот барлық ниет білдірушілер үшін ашық сатылымға шығарылады.

Еске сала кетейік,  былтыр 25 шілдеде «Біз біргеміз» қайырымдылық қорының бұрынғы жетекшісі 10 жылға, анасы 7 жылға сотталды. Олар халыққа деп жиналған жылуды қалтаға басқаны үшін айыпталды. Жалпы істі қарау кезінде 47 адам жәбірленуші деп танылған.

Оқи отырыңыз:

• Перизат Қайраттың алаяқтықпен жиған мүлкі аукционға шығарылады
• Перизат Қайраттың түрмеде қандай жұмыс істей алатыны белгілі болды