Пәкістанда полиция көлігіне жасалған шабуылдан 6 құқық қорғау қызметкері қаза болды

Пәкістанның солтүстік-батысындағы Хайбер-Пахтунхва провинциясының Кохат ауданында белгісіз адамдар полиция көлігін оқ жаудырып, шабуыл жасады. Бұл туралы Dawn басылымы құқық қорғау органдарындағы дереккөздерге сілтеме жасап мәлімдеді, деп хабарлайды Orda.kz. 

Олардың мәліметінше, шабуыл салдарынан 6 полиция қызметкері, оның ішінде полиция бастығының орынбасары қаза болған.

Шабуылға ұшыраған көлікте сотқа алып бара жатқан екі адам да болғаны айтылды. Олардың бірі оқиға орнында көз жұмған. Қастандықтан кейін шабуылшылар көлікті өртеп жіберген. Оқиға болған аумақ қоршауға алынып, тергеу амалдары басталды.

Ауғанстанмен шекаралас орналасқан Хайбер-Пахтунхва өңіріндегі жағдай тұрақсыз. Мұнда жиі лаңкестік әрекеттер мен пәкістандық талибтердің қарулы тобы — Tahreek-e-Jihad Pakistan тарапынан шабуыл болып тұрады. Қауіпсіздік және зерттеулер орталығының (CRSS) жыл сайынғы қауіпсіздік туралы есебіне сәйкес, өткен жылы бұл провинцияда зорлық-зомбылық айтарлықтай артқан. Қаза тапқандар саны 2024 жылғы 1 620 адамнан 2025 жылы 2 331 адамға дейін көбейген.

Пәкістандағы  кезекті теракт кезінде 11 пәкістандық күштік құрылым қызметкері қаза тапты. Пәкістан армиясының баспасөз қызметі Хайбер-Пахтунхва провинциясының Баджаур ауданындағы бақылау-өткізу бекетіне жасалған кезекті шабуылды растады.

Оқи отырыңыз: 

• Пәкістанда жұма намазы кезінде болған жарылыстан 15 адам қаза тапты
• Қазақстан мен Пәкістан стратегиялық әріптес атанып, 37 құжатқа қол қойды
• Пәкістандықтар Тоқаевты саясат қайраткерлеріне берілетін орденмен марапаттады