Өзбекстан тоқымашылары Америка нарығына шығады

Өзбекстандық компания Орталық Азияда бірінші болып WRAP сертификатын алып, Америка нарығына шықпақшы.

Бұл құжат киім және басқа да тоқыма өнімдерін АҚШ нарығына шығаруға рұқсат береді, деп хабарлайды Orda.kz

Бұл Өзбекстанда ғана емес, бүкіл Орталық Азияда өнімнің стандарттарға сәйкестігін растау бойынша алғашқы жағдай. Әзірге мұндай құжатты бір ғана компания алса, елдің тағы 10 кәсіпорны растау құжаттарын күтіп отыр.

«Made in Uzbekistan» бренд өнімдерін сыртқы нарықтарға, атап айтқанда АҚШ-қа шығару бойынша белсенді жұмыс былтыр басталды. Бірқатар тоқыма кәсіпорындары WRAP сертификатын алуға өтініш беріп, аудиттен өтті. Бұл ел ұзақ уақыт бойы Ресейге өзбек тоқыма бұйымдарын импорттап келді. 2021 жылдың соңында Ресейге 655 миллион доллардың, ал 2022 жылы 1,2 миллиард доллардың өнімі жөнелтілген.

WRAP сертификаты - тексеру үшін ең қиын стандарттардың бірі. Ол талаптарды сақтау, мәжбүрлі және балалар еңбегіне тыйым салу, жұмысшылардың денсаулығы мен қауіпсіздігіне қамқорлық, қоршаған ортаға қамқорлық сияқты 12 қағидатқа негізделген.

Бұған дейін Қазақстанның жеңіл өнеркәсібі көлемі бойынша 39 пайызға дерлік өскені хабарланған болатын.