«Остап Бендер мен алтын қолды Сонька»: Жәбірленуші тарап Перизат Қайрат пен анасын әйгілі алаяқтарға теңеді
Фото: Orda.kz
Астананың қылмыстық істер жөніндегі ауданаралық сотында «Biz Birgemiz Qazaqstan» қорының басшысы Перизат Қайраттың соты өтіп жатыр. Бүгін жарыссөздің екінші күні, деп хабарлайды Orda.kz.
Сотта жәбірленушілер пікірлерін айтты. «Стройконструкция» АҚ-ның заңгері Галина Исаева айыптаушыларды белгілі алаяқтармен салыстырды.
«Анасы мен қызының әрекетін белдемше киген Остап Бендер мен алтын қолды Сонька деген атпен танылған әйгілі алаяқ Софья Блювштейнмен салыстыруға болады. Перизат Қайрат пен Ғайни Алашбаеваның қылмысы дәлелденіп отыр. Біз 200 миллион теңге өндіріп алуды және ең қатаң жаза тағайындауды сұраймыз. Бұл істе ондаған адам зардап шекті», – деді Исаева.
Сондай-ақ, сотта НЗМ-ның ата аналар комитетінің өкілі Сәуле Қуандықова да сөз сөйледі.
«Мен сотталушыларға қатаң жаза қолдануды сұраймын. Біз қорға берген 901 855 теңге — балалар мен ата-аналардың ақшасы. Бұл тек материалдық залал емес, бұл Қазақстанның халықаралық аренадағы беделіне нұқсан келтіреді. Бұл іс еріктілердің жұмысына және қайырымдылық ұйымдарының қызметіне деген сенімді төмендетті. Балалар не болып жатқанын көріп, барлық іске жауап берілетінін түсінуі керек», — деді Сәуле Қуандықова.
Перизат Қайрат пен оның анасы Ғайни Алашбаеваға қатысты сот отырысында тараптардың жарыссөзі бейсенбі, 24 шілдеде өтеді. Бұл туралы сотта төрағалық етуші судья Сабыржан Кәрімов айтты.
«Бүгін барлық жәбірленуші мен олардың өкілдері соттағы жарыссөзге қатыса алмағандықтан, ертең жалғасады. Жәбірленушілер мен олардың өкілдері сөзін жалғастырады», – деді судья.
Перизат Қайраттың адвокаты Арман Дәулетияровтың айтуынша, сотта әлі 31 жәбірленуші сөйлеуі тиіс.
Айта кетейік, Перизат Қайраттың сотында прокурор Арман Қазекен оның анасы Ғайни Алашбаеваның телефонынан табылған жазбаларды дауыстап оқып берді.
Жаңалықтар
- Зейнетақы жинағынан шешіп алатын қаражат жеткізер емес
- Ормуз бұғазын ашуды талқылау үшін 30 ел бірікті
- ФИФА футболдағы жаңа ережелерді жариялады
- АҚШ пен Израиль соғыстың алғашқы 16 күнінде оқ-дәріге 26 миллиард доллар жұмсаған
- ЮНИСЕФ басшысы: Қазақстанда балалар денсаулығы жақсы қорғалған
- Алматының әл-Фараби даңғылындағы адам өлімі: полиция тексеріліп жатыр
- Алматыдағы бес көлік жарысып, үш адам қаза болған шулы оқиғаға қатысты қылмыстық іс қозғалды
- Талғардағы атышулы іс бойынша учаскелік инспекторға үкім шықты
- Алматыда жүк көлігін жалған құжатпен тіркеген арнайы ХҚКО қызметкерлері сотталды
- Ормуз бұғазын жапқан ирандық қолбасшы Әлиреза Тангсири қаза тапты
- Қонаевта жаттықтырушы кәмелет жасқа толмаған қыздарға азғындық жасады деп айыпталды
- Қораппен суға тасталған марғауларды полицей құтқарып алды
- Тарихта алғаш рет әйел адам Англикан шіркеуін басқарады
- Ресей Үкіметі: жаңа Конституция Қазақстан мемлекетінің іргесін нығайта түседі
- «Салық төлеушілердің көз жасы»: LRT-ның суымен көлігін жуған жүргізуші жұртты күлдірді
- Ер адам жас балаларды соққыға жыққан: Жәбірленушілер кешірім бергенге қарамай күдікті заң алдында жауап береді
- Алматыда жантүршігерлік жол апатынан кейін бақылау күшейтілді
- Тоқаев баршаға тең мүмкіндік беретін Әділетті Қазақстан туралы айтты
- Челябіде мектеп оқушысы сыныптасына оқ атып, кейін терезеден секіріп кетті
- Түрік танкеріне Қара теңізде шабуыл жасалды
