Оралда күшті әсер ететін улы зат табылып, төтенше жағдай жарияланды

cover

Өткен аптада Оралда күшті әсер ететін улы заттың табылғаны белгілі болды. Төтенше жағдайды жоюға ТЖ департаменті тікелей қатысты.

Жергілікті биліктің  шешімі ашық НҚА порталында жазылды.

— Орал қаласында күшті әсер ететін улы заттың табылуына байланысты жергілікті ауқымда табиғи және техногендік сипаттағы төтенше жағдай жариялансын, - делінген Орал басшысы бұйрығында.  

Орал қаласы төтенше жағдайлар басқармасының бастығы Амангелді Ешмұханов алдын ала ақпарат бойынша улы зат 300-400 миллилитр көлеміндегі сынап екенін хабарлады.

— 2 маусымда бізге күшті әсер ететін улы затты анықтау бойынша жедел шаралар өткізу туралы ақпарат түсті, ол сынап деп болжанып отыр. Осыған байланысты біз бірқатар іздестіру шарасын өткіздік. Халықты көшіру, улану қаупін болдырмау үшін жергілікті ауқымда төтенше жағдай режимін жариялау туралы шешім қабылданды. Улы зат зират аумағынан табылды, - деді төтенше жағдайлар қызметінің өкілі.  

Жергілікті билік қазір тұрғындардың денсаулығы мен жағдайына ешқандай қауіп жоқ екенін айтты.  Экология департаменті қызметкерлері тексеру мақсатында уды зертханаға апарды.

Жаңалықтар

барлық жаңалықтар