Оралда әкімдік алдында аштық жариялаған белсендіні полиция ұстады

62 жастағы белсенді Бекболат Өтебаев 29 қазанда қала әкімдігі алдында наразылық акциясын бастаған. Бүгін таңертең оны полиция ұстап әкетті, деп хабарлайды Orda.kz. 

Ер адам әкімдік алдында «Аштық. Бейбіт жиын өткізу құқығын талап етеміз» деген жазуы бар плакат ұстап тұрған. Оның екінші топ мүгедектігі бар. Өтебаевтың сөзінше, ол әкімдікке қымбатшылыққа қарсы митинг өткізетінін айтып, төрт рет өтініш берген. Алайда әкімдік түрлі сылтау айтып, рұқсат бермепті. 

Айта кетейік, Бекболат Өтебаев бұған дейін де наразылық акциясына шыққан. Ол 2022 жылғы 28 қаңтарда Орал қаласында «Нұр Отан» партиясының съезіне қарсы жалғыз адамдық пикет өткізген. Көп ұзамай Бекболат Өтебаевты полиция ұстап әкетті. Ақпаратқа сәйкес, пикетті видеоға түсірген белсенді Маруа Ескендірованы да полиция ұстаған.

Еске салайық, Париждегі Лувр мұражайын тонаған үшінші күдікті қолға түсті.