Олимпиада- 2026: Михаил Шайдоров «Кунг-фу панда» образында, Джеки Чан арнайы келді

Ерлер арасындағы жекелей сырғанаудан Олимпиада чемпионы Михаил Шайдоров 2026 жылғы Қысқы Олимпиада ойындары аясындағы көрсетілім бағдарламасына қатысты. Ол «Кунг-фу панда» образында өнер көрсетіп, өзін тамашалауға келген Джеки Чаннан ілтипат сыйлығын алды,  деп хабарлайды Orda.kz.

Милан мұз айдынында гала-концерт өтті. Оған Олимпиада–2026 жеңімпаздары мен жүлдегерлері, сондай-ақ шақырылған мәнерлеп сырғанаушылар қатысты. Олардың қатарында америкалық Илья Малинин, франциялық Адам Сяо Хим Фа және ресейлік Аделия Петросян бар.

Ерлер турнирінің чемпионы ретінде Шайдоров қорытынды бөлімде өнер көрсетті. Ол бұған дейін таныстырылған «Кунг-фу панда» образындағы көрсетілімін ұсынды. Салмақты костюмге қарамастан, қазақстандық спортшы бірнеше күрделі элементті, соның ішінде секірулерді сәтті орындады.

Нөмірге жұптық сырғанаудан күміс жүлдегер Лука Берулав та қатысты. Сонымен қатар «Кунг-фу панданың» қарсыласы образын Дэдпул костюмін киген тағы бір мәнерлеп сырғанаушы сомдады.

Шайдоров мұз айдынынан шыққан сәтте оны қолына ойыншық пандалар ұстаған әйгілі қытай актері Джеки Чан қарсы алды. Гала-концерттің құрметті қонағы спортшының өнерін жоғары бағалап, онымен құшақтасты.

Шоу соңында қазақстандық мәнерлеп сырғанаушы барлық қатысушылармен бірге мұзға қайта шығып, көрермендерге алғыс білдірді.

Еске сала кетейік, бұған дейін Шайдоровтың еркін бағдарламаға арналған костюмі Олимпиадалық музейге табыстады. Ал Олимпиададағы жеңісі үшін Қазақстан президенті Қасым-Жомарт Тоқаевтың шешімімен спортшы «Барыс» орденімен марапатталды.

Оқи отырыңыз:

• Олимпиада–2026: Соңғы жарыс күні, жабылу салтанаты
• Депутат Қазақстанда онлайн несие алудағы өзгерістерді түсіндірді