Назым Қызайбай ел қоржынына әлем кубогының алғашқы алтынын салды

Астанада өтіп жатқан бокстан әлем кубогының кезеңінде Назым Қызайбай Қазақстан құрамасына алғашқы алтын жүлдені сыйлады, деп хабарлайды Orda.kz.

Ұлттық Олимпиада комитетінің мәліметінше, жарыстың финалдық күнінде рингке бірінші болып шыққан Назым Қызайбай 48 келіге дейінгі салмақ дәрежесінде үндістандық боксшы Минакшимен кездесіп, сенімді жеңіске жетті. Ол — 2024 жылғы Олимпиада ойындарының қола жүлдегері.

Бокстан әлем кубогының кезеңі Жақсылық Үшкемпіров атындағы Жекпе-жек сарайында өтіп жатыр. Бұл халықаралық маңызы бар жарысқа ондаған елдің таңдаулы боксшылары қатысуда.

Қызайбайдың жеңісі Қазақстан құрамасы үшін жарыстың алғашқы алтын медалі болды. Турнирдің шешуші күнінде тағы бірнеше финалдық кездесу жоспарланған.