Назарбаевтың немересі Давоста менталды денсаулық туралы дәріс оқыды

Қазақстанның бұрынғы президенті Нұрсұлтан Назарбаевтың немересі Нұрәлі Әлиев Давоста өткен Дүниежүзілік экономикалық форум аясында менталды және ми саулығына арналған іс-шарада сөз сөйледі, деп хабарлайды Orda.kz. 

Ол «Ақылды сауықтыру, даналықты кеңейту: руханият, зерттеулер және төл білім» тақырыбындағы спикерлердің бірі болды.

Іс-шара Mental Health Day in Davos тақырыбында өтті. Форумға менталды денсаулық саласында жұмыс істейтін инвесторлар, қор жетекшілері  мен жаһандық бизнес көшбасшылары жиналды.

Қатысушылар психикалық денсаулық экожүйесін дамытудағы жаңа тәсілдерді, нейротехнологияларды, «ми капиталы» ұғымын және жастарды қолдау мәселелерін талқылады.

Талқылауға сондай-ақ келесі тұлғалар қатысты:

– Бразилиядағы байырғы халықтардың көшбасшысы Бираси Никсиваке Яванава,

– тибеттік буддист ұстаз Друпон Церинг Ринпоче,

– Колумбия университетінің профессоры Лиза Миллер,

– модератор — The Founder Spirit подкастының жүргізушісі Дженнифер Ву.

Нұралі Әлиев The Spark of Light жобасының негізін қалаушы ретінде сөз сөйлеп, менталды денсаулық саласында рухани тәжірибелер мен ғылыми тәсілдерді біріктіру жөніндегі өз көзқарасын ұсынды.

Нұрәлі Әлиев - қазақстандық бизнесмен, Қазақстанның тұңғыш президенті Нұрсұлтан Назарбаевтың тұңғыш немересі, Дариға Назарбаева мен Рахат Әлиевтің ұлы. 2025 жылы Forbes оны ең бай 75 қазақстандықтар тізіміне енгізді. Ол кезде ол 39-шы орынды иеленді.

Айта кетейік, бұған дейін Назарбаевтың немересі өзін тәлімгер ретінде жариялап, рухани жоба бастағанын хабарлаған еді.