Нұрбол Назарбаевқа шағымданған фермердің серіктесі оған жауап берді

«Сапар Агро» серіктестігінің экс-директоры Ержан Қайрақпаев Нұрбол Назарбаевтың қолынан жапа шеккенін айтып, тағы екі адамның үстінен шағым түсірген. Іске қатысы бар деп айыпталған шаруаның серігі Марат Нұрпейісов оның атына айтылған осы және өзге де сөздерді жоққа шығарды. Келісімшарттарды, куәгермен әңгіменің аудиожазбасын көрсетіп, бұрынғы досын өтірікші деп атады.

Нұрпейісовтың айтуынша, олар Қайрақпаевқа ет өнімдерін 2013 жылдан бері емес, 2008 жылдан бері жеткізіп келеді. Шаруа қожалығын сатып алғанын растау ретінде ол 2016 жылы Алматы облысында жасалған сатып алу-сату шартын көрсеткен.

Нұрпейісов шаруашылықты жүргізгісі келген Қайрақпаевқа 50 пайызын аударғанын айтты.

«Мен өзімнен ұрламаймын ғой. Сенде 148 ірі қара, 452 қой, үш жылқы бар деп отырсың. Бірақ ол олай емес еді. Негізінде 60-қа жуық ірі қара мен 30 жылқы ғана бар еді» деді Марат Нұрпейісов Telegram арнасында жарияланған видеода.

Содан кейін ол фазенданың бұрынғы иесі деп болжанған адаммен әңгімесінің жазбасын қосты. Сонымен қатар Нұрпейісовтің сөзін Жақбек Құлбаев растады деп сақталған видеосын көрсетті.

Фазенданы сатып алуға 20 млн теңге жұмсалды

Қожайыны Құлбаевтың сөзіне сүйенсек, Ержан Қайрақпаев барлық малын Қарабұлақ ауылына өзі апарып тастаған. Бұл шаруалар арасындағы қарым-қатынасқа бөгет болған.

«Сапар Агроның» экс-директоры өз үндеуінде олардың шаруашылығының балансында комбайндар, тракторлар мен ұсақтағыш бар екенін айтты. Ұсынылған аудиожазбаға сүйенсек, жабдық ескі болған - дөңгелектері де, моторы да жоқ. Ұсақтағыш мүлде ресейлік емес, Алмалыбақ ауылындағы (бұрынғы ҚИЗ) бір шеберден 180 мың теңгеге сатып алынған.

Артық кеттің...

Сонымен қатар, Марат Нұрпейісов 10 және 27 млн теңгеге алынған 2004 және 2014 жылғы екі Lexus көлігі туралы түсіндірді.

«Бұл лексустардың барлығы сенде. Сен оларды кімге сатқаныңды көре аласың. Маған айтқандай, сен жылқыға айырбастап алғың келді, сосын оларды сатқаннан кейін қарызымды өтемекші болдың. Бірақ сол күйі ақшамды қайтармадың. Нәтижесінде мен саған шаруашылықты қайта жазып бердім. Сосын сен ферманы досымыз Дамирге бердің. Сен менің отбасылық жағдайымды білдің. Әйелім ауырып жатты, төрт балам бар… Сотқа шыдай алмайтынымды біліп, мені жүйелі түрде бопсалай бастадың. Нәтижесінде қалағанныңның бәрін бопсалап, тартып алдың. Бізде барлық дәлел бар, әпкеңе бәрін тіркедік» дейді Нұрпейісов өз жазбасында.

Видеодағы ер адам Қайрақпаевтан бір теңге де алмағанын түсіндірді. Ал ол президентке жолдауында айтқан 2021 жылғы үзінділердің оған еш қатысы жоқ екенін, себебі олар 2017 жылы қош айтысқанын айтты.

Нұрпейісов біреу бұрынғы серіктесін арандатып отыр деген ойда. Әйтсе де, ол көзіне жас алып, шынайы айтып тұрғандай ісер қалдырды.

«2016 жылы қолынан ас ішіп-жеген анам қайтыс болғаннан кейін, сен 2017 жылы оның саған қарыз екенін айта бастадың. Шындығында, сен маған қарызсың, бірақ сен оның барлығын анамның қарызына әкеп тіредің. Анам туралы айтып, артық кеттің... Мен сенің қатеңді дәлелдеймін. Сен өтірікші, алаяқсың!» деп қорытындылады ол.