Орталық коммуникация қызметінің брифингі кезінде Алматы қаласының бас санитар дәрігері Жандарбек Бекшин коронавирустың ұзақ жылға созылатынын айтты.

Журналистің қойған сұрағына жауап берген қаланың бас санитар дәрігері індеттен құтылу үшін үкіметтің жұмыс жасап жатқанын айтты.

Журналист: Сіз 2020 жылы «наконец-то коронавирус келе жатыр» деп мәлімдеме жасадыңыз, енді «наконец-то коронавирус кетеді» деген мәлімдеме қашан болады, індеттің бітер уақытына болжам бар ма?

– Коронавирус біздің өмірімізге келді. Менің ойымша, бұл жағдай әлі көп жылға созылады. Пандемиялық 09 деген тұмаудың штамы 2009 жылы бүкіл әлемге енген. Қазір де әлі барлық вакцинаның құрамында жүр. Сондықтан біз бұл штамнан вакцина арқылы қорғанып жатырмыз. Қазіргі жағдайда бұл коронавируспен өміріміз өтеді деп ойлап отырмыз. 21 ғасырда болғаннан кейін бізде қорғануға вакцина бар. Үкімет тарапынан барлық жұмыс жасалып жатыр. Қазақстан вакцина шығарып жатыр, Қытайдан, Ресейден вакцина келіп жатыр, тіпті АҚШ-та әзірленген Pfizer-де келіп жатыр, – деп жауап берді Бекшин

Журналист: Түбінде коронавирус індетінен құтыламыз деген үміт бар ма?

– Қазіргі таңда аурушаңдықты қауіпсіз деңгейде ұстаймыз деген ой бар. Ал коронавиурстан түгелімен құтыламыз деген… Көріп отырсыздар ғой қандай дамыған елдерде аурушаңдық қайта келді. Қазір біздің ең басты ойымыз: қалай халқымыздың денсаулығын сақтау, алдын алу шараларын жүргізу, – деді Бекшин.

Журналист: Министр Алексей Цой Pfizer вакцинасын алдымен жақындарыма салдырамын деді. Сізде 12-18 жас аралығындағы жақындарыңызға вакцина салдырасыз ба?

– Өткен жұмадан бастап қаламызда Pfizer вакцинасын енгізу жұмысы басталды. ДСМ және санэпид бақылау комитетінің нұсқауымен жұмыс жасап жатырмыз. Біз үлкендерден бастадық. Олар 16-17 жастағы жасөспірімдер. Олардың көбі мектептің жоғарғы сынып оқушылары және колледж студенттері. Ешқандай заң бұзушылық жоқ. Ешқандай арыз түсіп жатқан жоқ. Балаларды ата-аналары сенбі-жексенбі бос болғаннан кейін қолдарынан ұстап алып келіп жатыр. Ата-аналарымен келген балалар алаңдамай екпені алып жатыр, – деді ол.

Нақтылайтын сұрақ. Сіз 12-18 жас аралығындағы жақындарыңызға Pfizer вакцинасын салдырасыз ба?

– Әрине, салдырамын. Өзім де салдырар едім. Бірақ, әзірге уақыт жоқ. Менің әріптестерім балаларын сенбі-жексенбі күндері алып барған. Үміткерлердің саны көбейіп жатыр. Вакцинаны бүкіл әлемде пайдалунда. ДДСҰ тексерістен өткен. Сондықтан ешқандай қорқыныш жоқ. Менің балаларым ол жастан өтіп кеткен, немерелерім әлі 12 жасқа толған жоқ. Үлкен немерем тоғыз жаста кейде оған да салдыру керек деп ойланып қаламын. Бірақ оның жасы әлі 12-ге толмады, – деді Алматы қаласының бас санитар дәрігері.

Бөлісіңіз: